यू-१५ महिला साफ: पहिलो हाफमा नेपाल भारत एक-एक गोलको बराबरीमा

काठमाडौं । भुटानमा जारी यू—१५ महिला साफ च्याम्पियनसिप अन्तर्गत नेपाल र भारतबीचको पहिलो हाफको खेल सकिएको छ । 

चाम्लिङथाङ रंगशालामा भइरहेको खेलमा नेपालले भारतलाई १—१ गोलको बराबरीमा रोकेको छ । प्रतिस्पर्धात्मक खेलको ३१ औं मिनेटमा भारतका लागि लेन्डा कोमले पहिलो गोल गर्दै टिमलाई शुरुवाती अग्रता दिलाइन् ।

कोमले गोल गरेपछि निक्कै आक्रामक खेल खेलेको नेपालका लागि ३७ औं मिनेटमा रजनी थोकरले गोल गर्दै खेललाई १—१ गोलको बराबरीमा ल्याइन् ।

यसअघि नेपालले समूह चरणको खेलमा पाकिस्तानलाई पराजित गरेको थियो भने साबिक विजेता बंगलादेशसँग हार बेहोरेको थियो ।