बिग बोस होस्टमा नागार्जुनाको स्थानमा समान्था

काठमाडौं । दक्षिण भारतीय अभिनेत्री समान्था रुथ प्रभु दर्शकमाझ रुचाइएकी अभिनेत्री हुन् भन्दा फरक नपर्ला ।

हालै फिल्म ‘पुष्पा’को गीत ‘ओ अन्टावा’मा आइटम गर्लका रुपमा देखिएकी समान्थालाई दर्शकले उत्तिकै मन पराए ।

यिनै समान्थाले तेलुगू भर्सनको ‘बिग बोस’ होस्ट गर्ने भएकी छन् । उनले यो विषयमा केही बताएकी छैनन् । यदि यो कुरा सत्य हो भने उनले पूर्वससुरा अक्किनेनी नागार्जुनलाई ‘रिप्लेस’ गर्नेछिन् ।

‘बिग बोस’ तेलेगु ६ को तीन सिजन ३, ४ र ५ नागार्जुना अक्किनेनीले होस्ट गरेका थिए । ‘बिग बोस’को हिन्दी भर्सनमा दर्शकले अभिनेता सलमान खानलाई रुचाएजस्तै तेलुगु भर्सनमा नागार्जुनालाई उत्तिकै रुचाइन्छ ।

समान्थाले होस्ट गर्ने भएपछि दक्षिण भारतीय फिल्मको बजार गर्माएको छ । सबैको चासो के समान्थाले आफ्ना पूर्वससुराले राखेको बिग बोसको इज्जतलाई कायम गर्न सक्छिन् भन्नेमा छ ।

एजेन्सी