स्कूलमा लगेर रिलिज गरियो ‘मेरी मामू’ को ट्रेलर (भिडियो)

काठमाडौं । चलचित्र ‘मेरी मामू’ को ट्रेलर सार्वजनिक गरिएको छ । ललितपुरको एक विद्यालयमा ट्रेलर सार्वजनिकीकरण कार्यक्रम राखिएको थियो । विद्यालयका सयौं विद्यार्थी र पत्रकारमाझ ट्रेलर सार्वजनिक गरिएको हो ।

ट्रेलर सार्वजनिक कार्यक्रममा फिल्मका निर्माता सन्तोष सेन, अभिनेता सारुक ताम्राकार, अभिनेत्री कुसुम गुरुङ, निर्देशक यम थापा, बालकलाकार आयुब सेन लगायत उपस्थित थिए । कार्यक्रममा बोल्दै निर्देशक यम थापाले फिल्ममा आमा–छोराको सम्बन्धलाई कथानक बनाइएको बताए ।

यद्यपी फिल्मको ट्रेलरमा भने आमा–छोराको सम्बन्धलाई त्यति प्रभावकारी रुपमा प्रस्तुत गरेको देखिँदैन । ट्रेलरमा आयुब सेनलाई मुख्य भूमिकामा देखाइएको छ भने सारुक ताम्राकार, कुसुम गुरुङ, अश्लेषा ठकुरी लगायतका कलाकारले अभिनय गरेका छन् ।

चलचित्रमा यम थापाको लेखन तथा निर्देशन रहेको छ । यस्तै चलचित्रमा वनिष शाह र भुपेन्द्र अधिकारीको सम्पादन रहेको छ । 

यसअघि फिल्मले गीत सार्वजनिक गरेको थियो भने आयुबले भिडियोमा गरेको अभिनयबाट प्रशंसा पाएका थिए ।

चलचित्र आउँदो भदौ १५ गतेबाट प्रदर्शनमा आउँदैछ ।