वाजपेयीको अन्त्येष्टि आज अपराह्न ४ बजे

काठमाडौं । ९३ वर्षका उमेरमा बिहीबार निधन भएका भारतीय पूर्वप्रधानमन्त्री स्वर्गीय अटल बिहारी वाजपेयीको आज अपराह्न ४ बजे अन्त्येष्टि गरिने भएको छ ।

वाजपेयीको पार्थिव शरीर बिहीबार रातभर उनको कृष्ण मेनन मार्गस्थित निवासमा राखिएको थियो । श्रदाञ्जलीका लागि  बिहान ९ बजेबाट उनको पार्थिव शरीर भारतीय जनता पार्टीको मुख्यालयमा राखिएको छ ।

वयात्रा दिउँसो १ बजे शुरु हुने र वाजपेयीको अत्येष्टि राजघाटस्थित महात्मा गान्धीको नजिक गरिने भरतीय सञ्चार माध्यमहरुले जनाएका छन् । 

उनको निधनमा भारत सरकारले सात दिन राष्ट्रिय शोक मनाउने घोषणा गरेको छ । दिल्लीसहित मध्यप्रदेश, उत्तरप्रदेश, राजस्थान, बिहार, झारखण्ड, पञ्जाबका विद्यालय तथा कलेजमा छुट्टी दिइएको छ ।