बक्स अफिस : विक्रमको कमाइ १०० करोड नाघ्यो, मेजर र सम्राट पृथ्वीराजबीच कडा प्रतिस्पर्धा

काठमाडौं । हलमा रिलिज भएको चलचित्र सम्राट पृथ्वीराजले मनग्य आम्दानी गर्ने निर्मातालाई ठूलो आशा थियो । तर ओपनिङ दिनमै फिल्मले बक्स अफिसमा पछि धकेलियो । पहिलो दिन यो फिल्मले अक्षय कुमारको ‘बच्चन पाण्डे’ जत्तिकै कमाई पनि गर्न सकेन ।

हिन्दी बाहेक यो फिल्म तमिल र तेलुगुमा पनि रिलिज भएको थियो, तर पनि फिल्मले औसत व्यापार गरिरहेको छ । जबकि कमल हासनको विक्रम ब्यापारको हिसाबले राम्रो छ । आदिवी शेषका मेजरले पनि औसत संकलन गरिरहेका छन् ।

विक्रमको पछिल्लो तीन दिनदेखि कमाईको हिसाबले राम्रो चलिरहेको थियो । पछिल्लो दिनमा यो फिल्मले ९४.६५ करोडको आँकडा छोएको थियो । अर्कोतर्फ चौथो दिनको कारोबारको कुरा गर्ने हो भने सोमबार विक्रमका लागि खासै राम्रो रहेन । फिल्मले आइतबारको तुलनामा कम कमाई गरेको छ । चौथो दिन फिल्मले १४.५० करोडको व्यापार गरेको छ । कुल कलेक्शनको कुरा गर्दा फिल्मले घरेलु बक्स अफिसमा सय करोडको आँकडा पार गरिसकेको छ । फिल्मको कुल कलेक्सन १०९.१५ करोड रहेको छ ।

अक्षय कुमारको फिल्म सम्राट पृथ्वीराजलाई पहिलो दिनदेखि दर्शकले खासै रुचाएका छैनन् । फिल्मले पछिल्लो तीन दिनमा ३९.४० करोड कमाएको छ । सोमबार भने यो चलचित्रको गति झनै सुस्त भयो । प्रारम्भिक तथ्यांकअनुसार सोमबार सम्राट पृथ्वीराजले आइतबारको तुलनामा सबै भाषामा गरेर ४ करोड ६० लाख रुपैयाँ मात्रै व्यापार गरेका छन् ।

आदिवी शेषको फिल्म मेजरले बक्स अफिसमा राम्रो व्यापार गरिरहेको छ । मेजर सन्दीप उन्नीकृष्णनको जीवनीमा आधारित यस फिल्ममा आदिवी शेषा मुख्य भूमिकामा छन्। यो फिल्मको ब्यापारको कुरा गर्ने हो भने ओपनिङको तीन दिनमै यो फिल्मले २१.९५ करोड कमाइसकेको छ । चलचित्रले चौथो दिन सबै भाषामा ३ करोडको व्यापार गरेको छ ।

भुल भुलैया २ : 

कार्तिक आर्यनको फिल्म भुल भुलैया रिलिज भएको दुई साता बितिसकेको छ । पछिल्लो १७ दिनदेखि यो चलचित्रले आफ्नो जादू देखाउन सफल भएको छ । पछिल्लो १७ दिनमा फिल्मले १५४.८२ करोड भारु कमाएर १५० करोडको आँकडा पार गरेको छ। प्रारम्भिक तथ्यांक अनुसार १८ औं दिन फिल्मले घरेलु बक्स अफिसमा २ करोड मात्रै कमाएको छ ।