मुम्बई । देसी गर्ल प्रियंका चोपडा र उनका कथित प्रेमी निक जोनसको इंगेजमेन्ट अगस्त १८ अर्थात् भोलि शनिवार हुँदैछ । इंगेजमेन्टको फाइनल तयारी पनि हुँदैछ ।
निक जोनसकी आमा डेनिस र पिता केपी जोनस बिहीवार नै मुम्बई आइपुगेका थिए । निकको परिवारलाई रिसिभ गर्नका लागि प्रियंका चोपडाकी आमा मधु चोपडा पहिले नै एयरपोर्टमा पुगेकी थिइन् ।
निक र प्रियंकाको इंगेजमेन्टका लागि पहिले नै नजिकका साथी र आफन्तलाई बोलाइएको छ । तर, बलिउडका दिग्दज कलाकार उपस्थित नहुने भएका छन् ।
प्रियंकाले पहिले सलमान खानको बहुप्रतीक्षित फिल्म भारतमा काम गर्ने भनेकी थिइन् । तर, पछि निकका कारणले गर्दा फिल्म छोडिन् । यसबेला क्याटरिना र सलमान खान ‘भारत’ को शूटिङका लागि माल्टामा छन् । प्रियंकाको खुशीमा यी दुवै हुने छैनन् । त्यस्तै शाहरुख खान पनि यतिबेला क्यालिफोर्नियामा छन् । उनी पनि आउने छैनन् ।
यस्तै फिल्मको शूटिङकै कारण रणवीर कपूर, अनुष्का लगायत पनि उपस्थित हुन पाउने छैनन् ।
यो खबर पढेर तपाईलाई कस्तो महसुस भयो ?
प्रतिक्रिया