काठमाडाैं : एनसीसी बैंकले अाफ्ना शेयरधनीहरूलार्इ सोमबारदेखि ५० प्रतिशत हकप्रद शेयर बिक्री खुला गर्दैछ । शेयरधनीले अाफुसँग रहेको जम्मा शेयरसंख्याको अाधा हुन अाउने कित्ता बराबरको संख्यामा एनसीसीको हकप्रद भर्न पाउनेछन् ।
भदाै ४ गतेदेखि असोज १४ गतेसम्म एनसीसीका शेयरधनीले हकप्रदमा अावेदन गर्न सक्नेछन् । तर, साउन १४ गतेसम्म बैंकले शेयरधनी बनेकाले मात्र हकप्रद भर्न सक्ने बिक्री प्रबन्धक सनरार्इज क्यापिटलले जनाएको छ ।
बैंकले २:१ अनुपातबराबरको २ करोड ३३ लाख ९५ हजार २ सय ९१ कित्ता हकप्रद शेयर बेच्न लागेको हो । सी-अाश्वामा सहभागी सवै बैंक तथा वित्तीय संस्था, एनसीसी बैंकका सबै शाखा र बिक्री प्रबन्धक सनरार्इज क्यापिटलको कार्यालय कमलपोखरीबाट हकप्रद भर्न सकिनेछ ।
हकप्रद बेचेपछि प्राप्त रकमलार्इ बैंकले शाखा विस्तार र तरलता व्यवस्थापनमा खर्च गर्ने जनाएको छ । अहिले एनसीसीको चुक्ता पूँजी ४ अर्ब ६७ करोड ९० लाख ५८ हजार २ सय रूपैयाँ रहेको छ । हकप्रद बिक्रीपछि यो बैंकको चुक्ता पूँजी ७ अर्ब १ करोड ८५ लाख ८७ हजार ३ सय रूपैयाँ पुग्नेछ ।
प्रतिशेयर अाम्दानी २६ रूपैयाँ ५१ पैसा रहेको एनसीसीले गत अार्थिक बर्षभित्र १ अर्ब २४ करोड ९ लाख ९ हजार रूपैयाँ खुद नाफा कमाएको वित्तीय विवरणमाा उल्लेख छ ।
यो पनि :
एनसीसी बैंकलार्इ ५० प्रतिशत हकप्रद बेच्ने अनुमति
यो खबर पढेर तपाईलाई कस्तो महसुस भयो ?
प्रतिक्रिया