काठमाडौं । यू-१५ महिला साफ च्याम्पियसिप अन्तर्गत तेस्रो स्थानका लागि भएको खेलमा नेपाल पराजित भएको छ ।
च्याम्पियन बन्ने लक्ष्यका साथ भुटान पुगेको नेपाली टिम आयोजक टिम भुटानसँग टाइ ब्रेकरमा ४-३ गोलले पराजित भएको हो ।
राजधानी थिम्पुस्थित चाङलिमिथाङ मैदानमा भएको खेलमा दुवै टिमबाट समान २-२ गोल भएपछि खेलको निर्णय पेनाल्टी सुटआउटबाट गरिएको थियो ।
हारसँगै नेपाल चौंथो भएको छ ।
समूह चरणमा पाकिस्तानलाई पराजित गरेको नेपाल बंगलादेशसँग पराजित हुँदै समूहको उपविजेता बन्दै सेमिफाइनलमा प्रवेश गरेको थियो ।
फाइनल प्रवेशको खेलमा नेपाली टिम भारतसँग २-१ गोलले पराजित भएको थियो ।
अब उपाधिका लागि भारतले साविक विजेता बंगलादेशसँग फाइनल खेल्नेछ। फाइनल पुगेको दुवै टोली अपराजित छन्।
यो खबर पढेर तपाईलाई कस्तो महसुस भयो ?
प्रतिक्रिया