हलिउडका पूर्वनिर्माता हार्वीविरुद्ध एक महिलाले लगाइन् अभद्र व्यवहारको आरोप, २५ वर्ष पुरानो मुद्दा

काठमाडौं । हलिउडका पूर्वनिर्माता हार्वी वाइन्स्टिनलाई लण्डनमा एक महिलामाथि अभद्र व्यवहारको दुईवटा आरोप लगाइएको छ । यो घटना २५ वर्ष पुरानो भएको बताइएको छ ।

बेलायतको क्राउन प्रोसिक्युसन सर्भिस (सीपीएस) ले बुधबार पूर्व हलिउड निर्माता हार्वी वाइन्स्टिनलाई लण्डनमा एक महिलाविरुद्ध अभद्र आक्रमणको दुईवटा मुद्दामा अभियोग लगाउने अधिकार दिएको बताएको छ।

स्कटल्यान्ड यार्डले कथित अपराधहरूको अनुसन्धानमा सङ्कलन गरिएका प्रमाणहरूको समीक्षा गरेपछि ७० वर्षीय वाइन्स्टिनको मुद्दामा १९९६ मा अभियोग लगाइएको थियो। जानकारी अनुसार यो सन् १९९६ जुलाई र अगस्टको बीचमा भएको हो । उजुरीकर्ता अहिले ५० वर्षका भइसकेका छन् ।

हार्वे पहिले नै सजाय भुक्तान गरिरहेका छन् । पूर्व निर्माता हार्वे वाइनस्टिनमाथि विगतमा धेरै महिलाहरूले आरोप लगाएका थिए र दशकौं पछि यी केसहरू पनि बाहिर आएका थिए। हार्वे वाइन्स्टिनमाथि हलिउडका दिग्गज कलाकारसहित १०० भन्दा बढी महिलाले यौन दुर्व्यवहार गरेको आरोप लागेको छ । हाल, हार्वे वाइन्स्टिन पहिले नै बलात्कार र यौन दुर्व्यवहारको लागि २३ वर्षको जेल सजाय काटिरहेका छन्।