विक्रम २ को बारेमा कमल हसनले गरे खुलासा

काठमाडौं । साउथ अभिनेता कमल हासनको फिल्म ‘विक्रम’ले तमिलसँगै हिन्दी बक्स अफिसमा पनि धुम मच्चाइरहेको छ । जुन ३ मा हलमा रिलिज भएको फिल्मले एक सातामै १३५.८५ करोड कमाएको छ ।

यति मात्र होइन, लोकेश कनागराज निर्देशित यो एक्सन क्राइम थ्रिलर फिल्मले सबैतिरबाट सकारात्मक प्रतिक्रिया पाइरहेको छ । यही कारणले गर्दा फ्यानहरू अहिले विक्रमको दोस्रो र तेस्रो पार्टको प्रतिक्षामा छन् ।

कमल हसनले मिडियासँगको कुराकानीमा एक ठूलो खुलासा गरे, यतिखेर निर्देशक लोकेश आफ्नो प्रतिबद्धता पूरा गर्न व्यस्त छन् । यसै क्रममा अभिनेता महेश नारायणसँग अर्को फिल्मको तयारीमा छन् । कमल हसनले महेश नयनको फिल्मको सुटिङ जुलाई वा अगस्टमा सुरु हुने बताएका छन् । यो फिल्मको काम सकिएपछि उनले विक्रमको दोस्रो भागबारे सोच्नेछन् ।

विक्रमको सिक्वेलको बारेमा कुरा गर्दै, कमल हसनले यो पनि खुलासा गरे कि फिल्मको दोस्रो भागको अधिकांश कथा उनको रोलेक्स उर्फ ​​सूर्यासँगको भिडन्तको वरिपरि घुम्नेछ।

मिडिया रिपोर्टका अनुसार विक्रमको सिक्वेलको फिल्म ‘कैथी’सँग गहिरो सम्बन्ध रहनेछ । निर्देशक लोकेश कनागराजले क्राइम सिनेमेटिक ब्रह्माण्ड बनाउने योजना बनाएका छन् । फिल्मको दोस्रो पार्टसँगै विक्रमको तेस्रो पार्ट पनि निर्माण गर्ने तयारीमा रहेको रिपोर्टमा दाबी गरिएको छ ।