काठमाडौं । बलिउडकी चर्चित अभिनेत्री तथा डान्सर नोरा फतेही आफ्नो उत्कृष्ट डान्सका कारण मानिसहरुमाझ निकै लोकप्रिय भएकी छिन् ।
अभिनेत्रीले आफ्ना फ्यानहरूलाई हरेक पल आफ्नो आकर्षक डान्स मुभ्सले पागल बनाइदिन्छिन्। यही कारण उनको फ्यान फलोइङ पनि निकै राम्रो छ ।
उनका फ्यानहरु उनको गीतको प्रतिक्षामा छन् । उनका फ्यानहरुको यो प्रतीक्षाको अन्त्य गर्दै अब नोराको बहुप्रतिक्षित गीत सार्वजनिक भएको छ । उनको नयाँ अन्तर्राष्ट्रिय गीत ‘डर्टी लिटिल सेक्रेट’ युट्युबमा रिलिज भएको छ ।
हालै सार्वजनिक भएको यस गीतको म्युजिक भिडियोमा बेलायती कलाकार ज्याक नाइट पनि देखिएका छन् । योसँगै नोराले आफ्नो ग्ल्यामरस लुकले हरेक पल्ट मानिसको मन जितिरहेकी छिन् । विशेष कुरा के छ भने यो गीतलाई नोराले स्वर, निर्देशन र निर्माण गरेकी हुन् । यसको म्युजिक भिडियो ग्राउन्ड ब्रेकिङ साउन्ड, आधुनिक भिजुअल र कोरियोग्राफीको माध्यमबाट पप संस्कृतिबाट प्रेरित छ।
नोरा फतेही मनोरञ्जन जगतका लागि हरेक पटक गेम चेन्जर बनेकी छिन् । उनले लगातार विश्वभरका क्रस संस्कृतिहरूको प्रतिनिधित्व गर्दै आएका छन्। यो नयाँ गीत ‘डर्टी लिटिल सेक्रेट’ उनको यस्तै अर्को प्रयास हो ।
यो खबर पढेर तपाईलाई कस्तो महसुस भयो ?
प्रतिक्रिया