काठमाडौं । बलिउड अभिनेता रणवीर कपूर र अभिनेत्री आलिया भट्टको फिल्म ‘ब्रह्मास्त्र’ को मानिसहरु उत्सुकताका साथ पर्खिरहेका छन् ।
अयान मुखर्जीद्वारा निर्देशित फिल्म ‘ब्रह्मास्त्र पार्ट वान : शिव’ को ट्रेलर रिलिज हुनुअघि निर्माण पक्षले अमिताभ बच्चनको फर्स्ट लुक्स सार्वजनिक गरेको छ ।
बिग बीको यो अवतारलाई मानिसहरुले मन पराइरहेका छन् र उनले पोस्टरमा कमेन्ट गरेर आफ्नो जिज्ञासा व्यक्त गरिरहेका छन् । फिल्म ब्रह्मास्त्रको ट्रेलर जुन १५ मा रिलिज हुँदैछ।
फिल्ममा अमिताभ बच्चनको भूमिका गुरु हो । धर्मा प्रोडक्सनले सामाजिक सञ्जालमा सेयर गरेको पोस्टरमा अमिताभ बच्चन सेतो दाह्री र कपालमा देखिएका छन् । पोस्टरमा अभिनेताको अनुहारमा दुईवटा घाउ छ, जसबाट रगत निस्किरहेको छ । उनको हातमा एउटा तरवार पनि छ जुन उनले धारिलो ठाउँबाट समातेका छन् ।
अमिताभ बच्चनका अलावा रणवीर कपूर, आलिया भट्ट, मौनी रोय र नागार्जुन अक्किनेनी पनि मुख्य भूमिकामा छन्। मिडिया रिपोर्टका अनुसार फिल्ममा शाहरुख खान विशेष भूमिकामा देखिनेछन् ।
यो खबर पढेर तपाईलाई कस्तो महसुस भयो ?
प्रतिक्रिया