‘एशियाड’मा कुस्तीका तीनै खेलाडी पराजित

जाकार्ता । इन्डोनेशियामा भइरहेको १८ औँ एशियाली खेलकुद ‘एशियाड’ अन्तर्गत कुस्तीका तीनै खेलाडी पनि पहिलो चरणबाटै बाहिरिएका छन् ।

राजधानी जाकार्ताको एसेम्ब्ले हलमा आइतवार भएको खेलमा कुस्तीका तीन खेलाडी पहिलो चरणबाटै बाहिरिएका हुन् । ५७ केजी तौल समूहमा नेपालका भगवती साह ‘तेली’ इरानका रेजा एट्रिनाघार्चीसँग १०-० को स्कोरले पराजित हुँदै प्रतियोगिताबाट बाहिरिए ।

यता, ६५ केजी तौल समूहमा नेपालका सरोज यादव मंगोलियाका बात्मा बात्चुससँग १०-० को स्कोर पराजित भए । ७४ केजी तौल समूहमा सरेश चुनारा जापानका युही फुजीनामीसँग १०-० को स्कोरमा पराजित भए ।