काठमाडाैं । भारतीय सञचार माध्यमका अनुसार शक्ति कपूरका छोरा र श्रद्धा कपूरका दाइ सिद्धान्त कपूरलाई प्रहरीले बैंगलोरबाट हिरासतमा लिएको छ । सिद्धान्त कपूरमाथि ड्रग्स सेवन गरेको आरोप लागेको छ । छापा मारेर प्रहरीले उनीहरुलाई नियन्त्रणमा लिएको छ ।
दिवंगत अभिनेता सुशान्त सिंह राजपुतको मृत्युपछि उठेको लागुऔषध मुद्दा दिनहुँ चर्चामा रहन्छ । यस मामिलामा अहिलेसम्म धेरै बलिउड स्टारहरुको नाम जोडिएको थियो ।
औषधि परीक्षणमा श्रद्धा कपुरका भाइसहित कुल ६ जनामा पोजेटिभ देखिएको छ । यी सबै बैंगलोरको एमजी रोडमा रहेको होटलमा पार्टी गरिरहेका थिए । सो क्रममा प्रहरीले छापा मारेर तत्काल कारबाही गरेको थियो ।
सुचनाका आधारमा प्रहरीले एमजी रोडमा एउटा पार्टी आयोजना गरेको होटलमा छापा मारेको थियो । सो क्रममा प्रहरीले लागुऔषध दुव्र्यसनको आशङ्कामा व्यक्तिहरुको नमूना पठाएको थियो । अनुसन्धानमा पोजेटिभ भेटिएका ६ जनामध्ये श्रद्धा कपुरका भाइको नमूना पनि समावेश गरिएको थियो । घटनामा उनले लागूऔषध सेवन गरेर पार्टीमा आएका हुन् वा होटलमा सेवन गरेका हुन् भन्ने खुल्न नसकेको प्रहरीले जनाएको छ ।
सिद्धान्त कपूर आफ्ना बुबा शक्ति कपूर र बहिनी श्रद्धा कपूर जस्तै अभिनेता हुन्। यसका अलावा सिद्धान्त कपुरले धेरै बलिउड फिल्ममा सहायक निर्देशकको रुपमा पनि काम गरिसकेका छन् । सिद्धान्त कपुरले २००७ को कमेडी फिल्म ‘ढोलु’, ‘भूल भुलैया’, ‘भागम भाग’, ‘चुप चुप के’ जस्ता विभिन्न फिल्महरूमा सहायक निर्देशकको रूपमा काम गरेका छन् ।
Karnataka | Actor Shraddha Kapoor's brother Siddhanth Kapoor detained during police raid at a rave party in a Bengaluru hotel, last night. He is among the 6 people allegedly found to have consumed drugs: Bengaluru Police pic.twitter.com/UuHZKMzUH0
— ANI (@ANI) June 13, 2022
यसपछि उनले सञ्जय गुप्ताको फिल्म ‘शूटआउट एट वडाला’ (२०१३) बाट आफ्नो अभिनयको सुरुवात गरे र त्यसपछि अनुराग कश्यपको थ्रिलर फिल्म ‘अग्ली’ (२०१४) मा देखा परेका थिए ।
यो खबर पढेर तपाईलाई कस्तो महसुस भयो ?
प्रतिक्रिया