काठमाडौं । आजको समयमा भारतीय निर्देशक एसएस राजामौलीको नाम निक्कै चर्चामा छ । उनका फिल्महरुले बक्स अफिसमा कीर्तिमानी कमाई गरिरहेका छन् । केही समयअघि उनको फिल्म ‘आरआरआर’ रिलिज भएको थियो, जसले ११ सय करोडभन्दा बढी कमाएको थियो ।
यो फिल्मले साउथमा मात्र नभई हिन्दी क्षेत्रका दर्शकमाझ पनि हंगामा मच्चाएको थियो । यसै क्रममा अब एसएस राजामौलीको नयाँ प्रोजेक्टसँग सम्बन्धित एउटा ठूलो खबर आएको छ । ‘बाहुबली’, ‘बाहुबली २’ र ‘आरआरआर’ फेम निर्देशक एसएस राजामौलीको अर्को फिल्ममा ऐश्वर्या राय देखिने खबर छ ।
बलिउड अभिनेत्री आलिया भट्ट एसएस राजामौलीको फिल्म ‘आरआरआर’ मा देखिएकी थिइन् । योसँगै अब ऐश्वर्या राय एसएस राजामौलीको अर्को फिल्ममा देखिने चर्चा चलेको भारतीय सञ्चार माध्यमहरुले बताएका छन् । एसएस राजामौली चाँडै ऐश्वर्या राईसँग फिल्म बनाउने चर्चा छ । ऐश्वर्या रायका फ्यानहरू उनलाई एसएस राजामौलीको फिल्ममा हेर्न आतुर छन् ।
ऐश्वर्या राईले केही समयअघि एक अन्तर्वार्ता दिएकी थिइन् जसमा अभिनेत्रीले आफु पति अभिषेक बच्चनसँग फेरि एक पटक फिल्म गर्न चाहेको बताएकी थिइन् ।
यो खबर पढेर तपाईलाई कस्तो महसुस भयो ?
प्रतिक्रिया