बलिउड चलचित्र ब्रह्मास्त्रको ट्रेलर सार्वजनिक

काठमाडौं । बलिउड चलचित्र ब्रह्मास्त्रको औपचारिक ट्रेलर सार्वजनिक भएको छ ।

आयन मुखर्जी निर्देशित चलचित्रमा रणवीर कपुर र आलिया भट्टको मुख्य भूमिका रहेको छ । चलचित्रमा अमिताभ बच्चन, आलिया भट्ट, नागार्जुन अक्किनेनी लगायतको मुख्य भूमिकामा देखिँदैछन् ।

चलचित्र ब्रह्मास्त्रको ट्रेलरमा सत्य असत्य, आशा र निराशाबीचको लडाइँ देखाइएको छ भने भारतीय इतिहासलाई आधुनिकतासँग जोडेर ‘फेन्टासी’ कथावस्तु चित्रण गरिएको छ ।

बुधबार बिहान मुम्बईमा आयोजित ट्रेलर लन्च कार्यक्रममा बोल्दै निर्देशक मुखर्जीले आफूले बलिउडमा नयाँ सिनेम्याटिक युनिभर्सको थालनी गर्न खोजेको बताए । तीन भागमा बन्ने यो सिक्वेललाई भारतको पहिलो सिनेम्याटिक युनिभर्स पनि भनिएको छ ।

चलचित्र आगामी सेप्टेम्बर ९ अर्थात् भदौ २४ गतेदेखि प्रदर्शन हुँदैछ ।