काठमाडाैं : काठमाडाैंले महानगरपालिकाले न्यूरोडमा स्वचालित बहुतल्ले पार्किङको निर्माण र सञ्चालन जिम्मा नीजि क्षेत्रलार्इ दिन लागेको छ । 

पार्किङ निर्माणका लागि महानगरले एक साताभित्रै बोलपत्र अाव्हान गर्ने जनाएको हो । सार्वजनिक-निजी-साझेदारी (पीपीपी) लगानी मोडेलमा प्रस्तावित अटोमेटेड भर्टिकल पार्किङ निर्माण गर्न स्थानीय सरकारले प्रकृया अघि बढाएको छ । 

अहिले नेपालकै सवैभन्दा व्यस्त व्यापारिक क्षेत्र मानिने न्युरोडमा सवारी व्यवस्थापन निकै चुनाैतपूर्ण बन्दै गएको छ । अन्य देशका ठूला शहरमा स्थान अभावका कारण बहुतल्ले पार्किङ निर्माण गरिन्छ । 

नेपालमा पनि सरकारले पहिलोपटक प्राविधिक र अार्थिक प्रस्ताव मूल्यांकन गरि निजी क्षेत्रलार्इ बहुतल्ले पार्किङ निर्माण गर्न दिन लागेको हो । यसका लागि महानगर अाफैंले डिजार्इन तयार गरेको छ । निजी कम्पनीले अझै राम्रो डिजार्इन प्रश्तुत गरे सोही डिजार्इनमा सो कम्पनीलार्इ पार्किङ बनाउन दिने योजना महानगरको छ। 

पार्किङ निर्माण गर्ने कम्पनीले नै त्यसलार्इ सञ्चालन गरि लगानी र प्रतिफल उठाउने एवं निश्चित समयपछि महानगरपालिकालार्इ हस्तारन्तरण गर्नेछ । हाललार्इ ५ तल्लाको पार्किङ भवन बनाउने महानगरको योजना छ । 

प्रस्तावित बहुतल्ले पार्किङ भवनमा न्यूनतम ५ सय वटा सवारीसाधन पार्किङ गराउने महानगरले जानकारी दिएको छ । डिजार्इन टुंगो नलागेकाले पार्किङ हुने सवारी साधनको संख्या र लागत भने खुलिसकेको छैन । 

पार्किङ भवन निर्माणका लागि अहिले ३ वटा कम्पनीले चासो दिएको महानगरका अधिकारीहरूले जानकारी दिएका छन् ।