सलमानको फिल्ममा रामचरणको इन्ट्री

काठमाडौं । बलिउका सुपरस्टार सलमान खानको मुख्य भुमिका रहने फिल्म ‘कभी इद कभी दिवाली’ लगातार चर्चामा रहन सफल छ ।

फिल्मसँग जोडिएर हरेक समय नयाँ नयाँ समाचार सार्वजनिक हुने गर्दछ । अहिले फिल्ममा साउथ सुपरस्टार रामचरण भित्रिएको समाचार बाहिर आएको छ । फिल्मको केमियोमा उनी देखिनेछन् ।

फरहान सम्जी निर्देशक रहेको फिल्ममा पूजा हेगडे, शहनाज गिल, वेन्कटेश, जस्सी गिल, पलक तिवारी र राधव जुयालको अभिनय रहनेछ । फिल्मको अहिले हैदरवादमा सुटिङ चलिरहेको छ । २५ दिनको सेडुल बनाएका सलमानले त्यहाँ एउटा भब्य गीत समेत छायाँकन गर्नेछन् । जसमा रामचरण केमियो भुमिकामा देखिनेछन् ।

समाचारका अनुसार सलमानले रामचरणसँग हैदराबादमा भेटेका थिए । भेटमै फिल्मको अफर दिएको बताइन्छ । सलमानको रामचरण र उनका बुबा चिरञ्जिबीसँग राम्रो सम्बन्ध रहेको छ । चिरञ्जिबीको नयाँ फिल्म ‘गड फादरमा’ सलमान पनि छोटो भूमिकामा देखिदैछन् ।