एमाले कैलालीका अध्यक्ष थापाको जिम्मेवारी खोसियो

काठमाडौं । नेकपा एमाले कैलालीका अध्यक्ष रतन थापा पदमुक्त भएका छन् ।

नेकपा एमाले सुदूरपश्चिम प्रदेश कमिटीको बैठकले थापालाई अध्यक्षको जिम्मेवारीबाट हटाएको हो । उनलाई अध्यक्षबाट हटाएसँगै दुर्गा जोशीलाई कार्यवाहक अध्यक्षको जिम्मेवारी दिइएको छ ।

नेकपा एमाले कैलाली जिल्ला कमिटीको सिफारिसमा प्रदेश कमिटीले थापालाई जिम्मेवारीमुक्त गराएको हो ।

थापा पदमुक्त भएसँगै आगामी साउन १५ गतेभित्र अध्यक्षको निर्वाचन गर्नका लागि निर्देशन समेत दिइएको छ ।