यशकुमारको ‘छिरिङ’ टिजर, कस्तो छ?

काठमाडौं । गायक तथा कलाकार यशकुमारले निर्देशन गरेको फिल्म ‘छिरिङ’ को टिजर सार्वजनिक गरिएको छ । निमा रुम्बा, यश कुमार र कामना भुजेलको मुख्य भूमिका रहेको फिल्मको ट्रेलर युट्युबमार्फत सार्वजनिक गरिएको हो ।

यसअघि निर्माण टिमले गीत सार्वजनिक गरिसकेको छ । मुस्ताङमा छायांकन गरिएको यो फिल्ममा एक गाउँको कथालाई प्रस्तुत गराइएको छ भने गाउँमा हुने अन्यायलाई नै कथानक बनाइएको छ ।

चलचित्रमा कविराज गहतराजको कोरियोग्राफी, मिलन श्रेष्ठ र साहिल खानको सम्पादन, सविर श्रेष्ठको कथा रहेको छ भने यम थापा र यश कुमारको स्किृप्ट रहेको छ ।

यस्तै चलचित्रलाई आइबी दर्नाल, सुनील प्रधान र नविन बुढाथोकीले निर्माण गरेका हुन् भने असोज १२ बाट रिलिज हुँदैछ ।