इंग्ल्याण्ड । इंग्ल्याण्डका फर्वार्ड जेमी भार्डी र डिफेन्डर ग्यारी काहिलले अन्तर्राष्ट्रिय फुटबलबाट सन्यास लिएका छन् ।
नयाँ युवा खेलाडीहरुलाई अवसर दिने भन्दै भार्डी र काहिलले अन्तर्राष्ट्रिय फुटबलबाट सन्यास लिएको घोषणा गरेका हुन् ।
तीनवर्ष अघि मात्र्र भार्डीले इंग्ल्याण्डको राष्ट्रिय टिममा डेब्यु गरेका थिए । उनले आयरल्याण्डविरुद्ध खेल्दै सिनियर राष्ट्रिय टिमबाट डेब्यु गरेका थिए । भार्डीले राष्ट्रिय टिमबाट ७ गोल गरेका थिए ।
त्यस्तै, काहिलले सन्यास लिने यहि सहि समय भएको बताएका छन् । साथै, उनले राष्ट्रिय टिमबाट खेल्न पाउनु गौरवको विषय भएको समेत जानकारी दिए ।
३२ वर्षे काहिलले सन् २०१० मा इंग्लिस टोलीमा डेब्यु गरेका थिए । उनले राष्ट्रिय टोलीबाट ६१ खेल खेल्दै ५ गोल गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया