विम्बल्डन : जोकोभिच अन्तिम आठमा

काठमाडौं । साबिक विजेता नोभाक जोकोभिच सातौँ विम्बल्डन जित्ने योजना साकार बनाउन क्वाटरफाइनल प्रवेश गरेका छन् । चौथो सेटमा डच खेलाडी टिम भान रिजथोभेनलाई ३-१ ले हराउँदै जोकोभिच अन्तिम आठमा प्रवेश गरेका हुन् ।

सेन्ट्रल कोर्टमा पहिलो सेट ६-२ ले जितेका जोकोभिचले दोस्रो सेट ४-६ ले गुमाएका थिए । तेस्रो र चौथो सेट भने क्रमश जोकोभिचले १०४औँ वरियताका भानबिरुद्द ६-१ र ६-२ ले जिते ।

अब २० पटक ठूला उपाधि जितिसकेका ३५ वर्षिय जोकोभिचले सेमिफाइनल प्रवेशका लागि इटालीयम जानिक सिनेरको सामना गर्नेछन् ।

१०औँ वरियताका सिनेरले स्पेनिस खेलाडी कार्लोस अल्कारेजलाई ६-१ ६-४ ६-७(८-१०) ६-३ ले पराजित गरे ।

जोकोभिच १३औँ पटक बिम्बल्डनको क्वाटरफाइनलमा स्थान बनाएका हुन् ।