जोन अब्राहमको फिल्म ‘तेहरानको’ फर्स्ट लुक्स सार्वजनिक

काठमाडौं । बलिउड अभिनेता जोन अब्राहम आफ्नो आउँदै गरेको फिल्म ‘तेहरान’ लाई लिएर चर्चामा रहेका छन् ।

अहिले उनी फिल्म ‘एक भिलेन रिटर्न्स’को प्रमोसनमा व्यस्त छन् । फिल्ममा जोनसँगै अर्जुन कपुर, तारा सुतारिया र दिशा पटानीको पनि अभिनय रहेको छ ।

त्यसैबीचमा जोनले आफ्नो अर्को फिल्मको तयारी पनि सुरु गरेका छन् । जोने एक्सन थ्रीलर फिल्म ‘तेहरान’मा देखिने छन् । उनले यो फिल्मका लागि सुटिङ सुरु गरिसकेका छन् भने यो फिल्ममा जोनको पहिलो लुक्स पनि सार्वजनिक भएको छ ।

मेडाक फिल्मस्ले जोन अब्राहमको आगामी फिल्मको जिकिर गर्दै ट्वीटरमा एक भिडियो शेयर गरेको छ, जसमा अभिनेताको लुक्स देखाइएको छ । केही सेकेण्डको भिडियोमा कडा एक्सप्रेसनका साथ देखिएका उनको लुक्स पनि डर लाग्दो छ।

मेडाक फिल्मस्ले जोनको फस्ट लुक्स ट्वीटरमा शेयर गर्दै लेखेको छ, ‘लाइट, क्यामेरा र थोरै एक्सनका साथ सुटीङ सुरु’ । जोनले पनि इंस्टाग्राममा भिडियो शेयर गरेका छन् जसलाई उनका फ्यानहरुले निकै मन पराएका छन् ।

जोनको एक्सन थ्रीलर फिल्म ‘तेहरान’ सत्य घटनामा आधारित छ । अरुण गोपालद्वारा निर्देशित फिल्मको सुटीङ इरानमा हुनेछ । यो फिल्मलाई रितेश शाह र आशीष प्रकाश वर्माले लेखेका हुुन् । फिल्म २०२३ मा गणतन्त्र दिवसको मौका पारेर रिलीज हुने बताईएको छ ।

जोन शाहरुख खानको फल्म ‘पठान’मा पनि अहम भूमिकामा देखिँदैछन् । यो फिल्म २५ जनवरी २०२३ मा रिलीज हुँदैछ ।