जान्हवी कपूर अभिनित फिल्म ‘गुड लक जेरी’ को ट्रेलर रिलिज

काठमाडौं । बलिउड अभिनेत्री जान्हवी कपूर अभिनित बहुप्रतिक्षित फिल्म ‘गुड लक जेरी’ को ट्रेलर रिलिज भएको छ ।

जान्हवी फरक अन्दाजमा देखिएको उक्त फिल्मको ट्रेलर एकदमै शानदार रहेको भन्दै प्रशंसा हुन थालेको छ। ट्रेलर एकदमै हाँसो र मजाकले भरपूर भएको देख्न सकिन्छ । फिल्मले दर्शकमाझ जादु चलाउने अनुमान गरिएको छ ।

फिल्ममा जान्हवीले एक सामान्य केटीको भूमिका निभाएकी छिन् । यो फिल्मलाई हलमा नभई डिजिटल प्लेटफर्ममार्फत लन्च गर्ने तयारी भइरहेको छ ।

२ मिनेट ५० सेकेण्डको यो ट्रेलरमा उनी आफ्नो आमाको उपचारको लागि जागिरको सिलसिलामा भौतारीरहेकी हुन्छिन्। फिल्ममा कमेडीको साथसाथै भावुक दृश्य पनि देख्न सकिन्छ । फिल्ममा दीपक डोबरियालको पनि अभिनय रहेको छ । जहाँ उनले कमेडियनको भूमिका निभाएका छन् ।

यस्तै फिल्ममा भिलेनको भूमिकामा सुशान्त सिंह देखिएका छन् । यो फिल्म तामिल भाषामा बनेको ‘कोलमाबु कोकिला’ को रिमेक हो ।

सिद्धार्थ सेनद्वारा निर्देशित फिल्मको २९ जुलाईदेखि डिज्नी प्लस हटस्टारमा हेर्न सकिन्छ ।