काठमाडौं । बलिउड अभिनेत्री कंगना रनौतअहिले आफ्नो फिल्म ‘इमरजेन्सी’ को जोडदार तयारी गरिरहेकी छन् ।
फिल्मको टाइटलबाट नै थाहा हुन्छ की यसको कहानीमा देशको सबैभन्दा ठूलो राजनीतिक घटना ‘इमरजेन्सी’ काफी नजिकबाट देखाउने प्रयास गरिएको छ । कंगना यो फिल्ममा दिवंगत भारतीय पूर्व प्रधानमन्त्री इन्दीरा गान्धीको भूमिका निभाएकी छिन् । यो फिल्मको फर्स्ट लुक्स पनि सार्वजनिक भइसकेको छ । इन्दीरा गान्धीको रुपमा कंगना एकदमै आकर्षित देखिएकी छन् ।
कंगनाले इंस्टाग्राममा आफ्नो फिल्म ‘इमरजेन्सी’ को फर्स्ट लुक्स सार्वजनिक गरेकी छिन् । सार्वजनिक तस्बीरमा कंगना इन्दीरा गान्धी बनेकी छिन्। सेतो कपाल, अनुहारमा हल्का चाउरीपनामा उनी बेग्लै देखिएकी छिन् । यो लुक्स देखेपछि कंगनाले यो फिल्ममा इन्दीरा गान्धी बनेर धमाका मच्चाउने पक्का छ ।
कंगनाको यो लुक्सको श्रेय प्रोस्थेटीक मेकअप आर्टिस्ट डेबिड मालिनोवस्कीलाई जान्छ । उनैले नै कंगनालाई इन्दीरा गान्धी बनाएका हुन् । कंगनाले यो पोस्टर इंस्टाग्राममा शेयर गर्दै लेखेकी छिन् ‘इमरजेन्सीको फर्स्ट लुक्स पेश छ दुनियाँको इतिहासमा सबैभन्दा शक्तिशाली र विवादास्पद महिलामध्ये एक चित्रण ।’
यो तस्बिर बाहेक कंगनाले फिल्मको एक दृश्य पनि शेयर गरेकी छिन् । जसमा १९७१ को एक घटनालाई देखाइएको छ । यो दृश्यमा देखाइएको छ की, कसरी इन्दीरा गान्धीलाई सबैले म्याडम को सट्टामा ‘सर’ भनेर सम्बोधन गरेका छन् ।
यो दृश्यमा कंगना आफ्नो लुक्सलाई लिएर बोल्ने शैली पनि काफी शानदार रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया