फिल्म ‘शमशेरा’ को टाइटल ट्रयाक रिलीज

काठमाडौं । रणबीर कपूर र वाणी कपूर अभिनित फिल्म ‘शमशेरा’ रिलीज हुने तयारीमा छ ।

यो फिल्ममा रणबीर दोहोरो भूमिकामा देखिएका छन् । जसको झलक ट्रेलरमा देखिइसकेको छ । फिल्मको ट्रेलरलाई फ्यानहरुले एकदमै मन पराएका थिए । यो फिल्मको टाइटल ट्रयाक पनि रिलीज भएको छ जसमा रणबीरको खतरनाक लुक्सले फ्यानहरुलाई फेरी एकचोटी मग्न मूग्ध बनाएको छ ।

एक्सनले भरिपूर्ण फिल्म ‘शमशेरा’ यशराज फिल्मसको ब्यानरमा बनेको हो । यशराज फिल्मसको युट्युब च्यानलमा फिल्मको टाइटल ट्रयाक रिलीज भएको छ । जसमा रणबीरको लुक्स काफी शानदार रहेको छ ।

यो फिल्ममा रणबीर कपूर र वाणी कपूरका साथै संजय दत्तको पनि अहम भूमिका रहेको छ । संजय दत्तले फिल्ममा खतरनाक भिलेनको भूमिका निभाएका छन् ।

फिल्म ‘शमशेरा’ २२ जुलाईमा रिलीज हुँदैछ । यो फिल्मका निर्देशक करण मलहोत्रा हुन् ।