काठमाडौं । शुर्वण थापा निर्देशित फिल्म ‘दि सिक्रेट्स अफ राधा’को ‘पाउमा पाउजु’ बोलको गित सार्वजनिक भएको छ ।
सोमबार राजधानीमा कार्यक्रमका बीच सार्वजनिक गीतमा तीजलाई लक्षित गर्दै निर्माण युनिटले ‘पाउमा पाउजु’बोलको गित सार्वजनिक गरेको हो ।
गीतमा सज्जा चौलागाईं र स्वस्तिमा ढकालको स्वर तथा कालीप्रसाद बाँस्कोटाको संगीत छ भने सृजना खत्रीको शब्द रहेकोछ । कविराज गहतराजको कोरियोग्राफी, सञ्जय लामाको छायांकन र विपिन मल्लको सम्पादन रहेको गीतको भिडियोमा अभिनेत्री द्वय सृष्टि श्रेष्ठ र प्रियंका कार्कीले नृत्य गरेका छन् ।
आदियोगी भिजन, महारानी इन्टरटेन्मेन्ट युके, मन्डला अनलाइन र एएमआइ फिल्मस्को प्रस्तुति र मन प्रोडक्सनको एसोसिएसनको ब्यानरमा निर्माण भएको फिल्ममा सौगात मल्ल, दयाहाङ राई, मेनुका प्रधान, निश्चल बस्नेत, खगेन्द्र लामिछाने, बुद्धि तामाङ, दिव्य देव पन्त, पुस्कर गुरुङ, पशुपति राई, लोकेन्द्र लेखक, राजन खतिवडा लगायतका कलाकारको अभिनय रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया