सुर्खेत । कर्णाली प्रदेशका सभामुख राजबहादुर शाहीको पहलमा बोलाइएको सर्वदलीय बैठक निष्कर्ष विहीन भएको छ । मंगलबार नेकपा (माओवादी केन्द्र) बाट प्रदेशसभामा प्रतिनिधित्व गर्ने प्रदेश सभा सदस्यहरुले विभिन्न माग राखेर सदन अवरुद्ध गरेका थिए । अवरुद्ध सदन खुलाउनका लागि आज सभामुख शाहीले बोलाएको सर्वदलीय बैठकमा सहमति जुट्न नसकेको हो ।
आज बिहान माओवादी सांसदीय दलको बैठकले दल नेता महेन्द्रबहादुर शाहीलाइ वार्ता तथा सहमतिका लागि पहल गर्ने जिम्मेवारी दिएको थियो । सत्तारुढ दल भित्र नै असहति बढेपछि माओवादीले सदन अवरुद्ध गरेको थियो । सदनदेखि विषयगत कुनै पनि समितिमा माओवादी सहभागी नहुने निर्णय गरेको माओवादीसँग आज नै भएको सर्वदलीय बैठकबाट समेत कुनै सहमति हुन सकेन ।
मुख्य कुरा भन्दा पनि आलटाल गर्न खालका कुराहरु ल्याएर बैठकमा मुख्यमन्त्री प्रस्तुत भएपछि हलुका तरिकाले बैठकमा बस्न नसकिने भन्दै सांसदीय दलका नेता महेन्द्रबहादुर शाही बैठकबाट बाहिरिएका थिए ।
बैठकमा नेकपा एमालेको तर्फबाट यमलाल कँडेल, मुख्यमन्त्री जीवनबहादुर शाही , नेकपा (एकीकृत समाजवादी) बाट एक जना बैठकमा सहभागी रहेका थिए । सभामुखले समेत माओवादीलाइ पक्षपात रुपमा हेरेको नेकपा ९ माओवादी केन्द्र० सांसदीय दलकी सचेतक कृष्ण शाहले बताइन् ।
शाहका अनुसार फेरी बैठक बस्ने गरी आजको बैठक सकिएको छ । माओवादीले सरकार एकलौटी हिँडेको र प्रमुख सत्ता दल माओवादीलाई निषेध गर्न खोजिएको आरोप लगाएको छ ।
यस्तो अवस्थामा प्रदेशसभाका कुनै पनि कामकार्वाहीमा सहभागि हुन नसक्ने उनको भनाइ छ । ‘सरकारले प्रमुख सत्ता साझेदार दल माओवादीलाई पूर्ण वेवास्ता गरेको छ । विगतमा पनि गठबन्धन सरकार थियो’ शाहीले भने ।
अघिल्लो सरकारले परिवर्तनका लागि जीवन समर्पण गर्नेको स्मृतिमा सहिद स्मृति भत्ता, घाइते अपाङ्गताका लागि जीवन निर्वाह भत्ताको व्यवस्था गरेको भन्दै सरकारले यसलाई कार्यान्वयन नगरी बजेट फ्रिज गराएको उनको आरोप छ ।
सरकारकै कारण माओवादी केन्द्रको भागमा परेको अर्थ तथा प्राकृतिक स्रोत समिति नेतृत्व बिहीन बनेको, शान्ति पूनस्र्थापना, सिंजा सभ्यता संरक्षण, पर्वतीय विश्वविद्यालय, आमसञ्चार विधेयक लागयतका महत्वपूर्ण विधेयक पनि सरकारका कारण प्रदेशसभाको कार्यसूचिमा पर्न नसकेको माओवादीको आरोप छ ।
यो खबर पढेर तपाईलाई कस्तो महसुस भयो ?
प्रतिक्रिया