हाइटी । हाइटीले कन्काकाफ नेसन्स लिग छनोटमा खेलमा कीर्तिमानी जीत हात पारेको छ ।
सिल्भियो कातोर रंगशालामा सोमवार राति भएको खेलमा हाइटीले सिन्ट मार्टेनलाई १३-० को भारी गोल अन्तरले पराजित गरेको हो । खेलको पहिलो हाफमा हाइटी ५-० गोलले अगाडि रहेको थियो भने दोस्रो हाफमा ८ गोल थपेको थियो ।
हाइटीका लागि डकेन्स नाजोन सर्वाधिक ५ गोल गर्न सफल भए । त्यस्तै, फ्रान्जी पेरटले दुई, सोनी मुस्तीभार, हेरोल्ड चार्ल्स, जेफ लुइस र डेरीक एटिएनले समान १-१ गोल गरे ।
कन्काकाफ नेसन्स लिग छनोटमा ३४ टोलीको सहभागिता रहेको छ । सहभागी टोलीलाई ४ समूहमा विभाजन गरेर ४ चरणको खेल तालिका सार्वजनिक गरिएको छ ।
त्यस्तै, सोमवार राति नै भएको अर्को खेलमा क्युबाले टर्क्स आइल्यान्डलाई ११-० ले पराजित गर्यो । यता क्यानाडाले यूएस भर्जिन आइल्यान्डलाई ८-० ले हराउँदा फ्रेन्च गुयानाले एन्गिलालाई ५-० ले पन्छायो ।
यो खबर पढेर तपाईलाई कस्तो महसुस भयो ?
प्रतिक्रिया