काठमाडौं । एक्सेल डेभलपमेन्ट बैंक लिमिटेड १८औँ वर्षमा प्रवेश गरेको छ । वित्तीय कारोबार संचालन सुरुवात गरेको अवधि १७ वर्ष पूरा गरी यही साउन छ गतेबाट १८ वर्षमा प्रवेश गरेको हो ।
बैंकले आफ्नो १७औँ वार्षिक उत्सवको अवसरमा साउन पाँच गते बिहीबार दिन बिरामीहरुको उपचारमा सहयोग पुर्याउने हेतु बैंकको केन्द्रीय कार्यालय रहेको स्थान विर्तामोड, झापामा रक्तदान कार्यक्रम सम्पन्न गरी विभन्नि शुभेच्छुक व्यक्तिहरु, संघ संस्थाका पदाधिकारीहरु, वैंकका कर्मचारीहरुबाट ५३ पिन्ट रगत संकलन गरी रेडक्रस सोसाइटी, उपशाखा बिर्तामोड झापालाई प्रदान गरिएको जानकारी दिएको छ ।
साउन छ गते शुक्रबार वार्षिक उत्सवका दिन बिहान ७.०० बजे बैंकको केन्द्रीय कार्यालय रहेको स्थान विर्तामोड, झापामा विभिन्न वित्तीय चेतनामूलक प्लेकार्डहरुसहित प्रभात फेरी कार्यक्रम सम्पन्न गरिएको थियो । वार्षिकोत्सव कार्यक्रम औपचारिक रुपमा सिद्धार्थ होटल, विर्तामोड, झापामा आयोजना गरिएको बैंकले जनाएको छ ।
झापा जिल्लाको विर्तामोडमा केन्द्रीय कार्यालय रहेको यस बैंकले हाल झापा, इलाम, मोरङ, सुनसरी र पाँचथरका विभिन्न ४४ स्थानमा अवस्थीत आफ्ना शाखा कार्यालयहरु मार्फत ग्राहकहरु समक्ष बैंकिङ सेवा प्रदान गरिरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया