पाँच वर्षीया बालिका बलात्कारको आरोपमा ५५ वर्षका पुरुष पक्राउ

काठमाडौं । कञ्चनपुरमा पाँच वर्षीया बालिकालाई बलात्कार गरेको आरोपमा एक जना पक्राउ परेका छन् ।

लालझाडी गाउँपालिका–२ की ५ वर्षीया बालिकालाई बलात्कार गरेको आरोपमा सोही ठाउँकै ५५ वर्षीय रामदत्त रानालाई पक्राउ गरिएको इलाका प्रहरी कार्यालय बेलौरीका प्रहरी निरीक्षक दानसिंह भण्डारीले जानकारी दिए ।

पीडित परिवारले सोमबार बलात्कार भएको भनी प्रहरीलाई जानकारी गराएपछि उनलाई पक्राउ गरिएको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।