काठमाडौं । बलिउड अभिनेत्री अनुष्का शर्माको नाम इन्डस्ट्रीको चर्चित अभिनेत्री मध्ये एक नाम हो । यतिबेला अनुष्का ठूलो पर्दाबाट टाढा आफ्नो पारिवारिक जीवनको आनन्द लिइरहेकी छिन् । तर पनि उनी सामाजिक सञ्जालमार्फत आफ्ना फ्यानसँग जोडिएकी छिन् ।
अनुष्काले सामाजिक सञ्जालमा आफ्नो र आफ्नो परिवारका तस्बिरहरू सेयर गरिरहेकी छिन्, जुन प्राय भाइरल हुन्छन्। हाल उनी पति विराट कोहलीसँग भारतबाट टाढा छुट्टी मनाइरहेकी छिन् । नायिकाले पेरिसमा बिदा मनाउने क्रममा हरेक दिन नयाँ तस्बिरहरु सेयर गरिरहेकी छिन् ।
हालै अनुष्काले आफ्नो अर्को तस्बिर सेयर गरेकी छिन्, जसमा उनी आफ्नो होटलको झ्यालबाट अगाडिको झ्यालमा हेरिरहेकी छिन् । यो तस्बिर देखेपछि मानिसको मनमा यो प्रश्न उठेको हुनुपर्छ कि आखिर अनुष्काले कसलाई हेरिरहेकी छिन् ?
तस्बिर सेयर गर्दै अनुष्काले लेखेकी छिन्, ‘मेरे साम्ने वालि खिड्की मे उनका फ्यानहरुले उक्त तस्बिरमा लगातार कमेन्ट गरिरहेका छन् ।
अनुष्का शर्माले ‘चक्डा एक्सप्रेस’ को छायांकन सुरु गरेकी छिन् । ठूलो पर्दाबाट टाढा रहेकी अनुष्काले छुट्टीको रमाइलोसँगै पर्दामा कमब्याकको तयारी गरिरहेकी छिन् । उनी छिट्टै स्पोर्ट्स ड्रामा फिल्म ‘चकडा एक्सप्रेस’ मा देखिदैछिन् ।
यो फिल्म भारतीय महिला क्रिकेटर झुलन गोस्वामीको जीवनमा आधारित छ । अनुष्काले फिल्मको पहिलो शेड्युलको छायांकन सकिइसकेकी छिन् र छिट्टै दोस्रो शेड्युलको छायांकन सुरु गर्नेछिन् ।
यो खबर पढेर तपाईलाई कस्तो महसुस भयो ?
प्रतिक्रिया