जनकपुरधाम । आन्तरिक राजस्व कार्यालय जनकपुरले गत आर्थिक वर्षमा तोकिएको राजश्व लक्ष्य पूरा गर्न असफल भएको छ । गत आर्थिक वर्ष २०७८/७९ मा ३ अर्ब ३० करोड ७२ लाख ५८ हजार राजश्व संकलन गर्ने लक्ष्य लिएको आन्तिक राजस्व कार्यालय जनकपुरधामले ३ अर्ब १० करोड ४३ लाख २९ हजार मात्रै राजश्व संकलन गर्न सफल भएको छ ।
यसरी लक्ष्यभन्दा करिब २० करोड ४३ लाख कम राजश्व संकलन गरिएको आन्तरिक राजस्व कार्यालय जनकपुरका निमित प्रमुख काजीबाबु कोइरालाले बताए । सरकारी निकायले टेन्डरमार्फत उठेको राजश्व विगतको भन्दा कम उठेकोले तोकिएको लक्ष्य पूरा हुन सकेको उनले बताए ।
आन्तिक राजश्व कार्यालय जनकपुरले धनुषा, मोहत्तरी, सर्लाही र सिन्धुली जिल्लाहरुको राजस्व संकलन गर्दै आएको छ । यी चारै जिल्लाबाट सबभन्दा बढी राजस्व धनुषाबाट उठेको उनले बताए । गत आर्थिक वर्षमा समयमा राजश्व नतिर्ने ३९ वटा फर्मको खाता र जग्गा रोक्का गरिए कारबाही गरिएको उनले बताए ।
त्यसैगरि, पाँच जनालाई कारबाही गरि ९१ लख ५८ हजार जरिवाना राजश्व संकलन गरिएको उनले बताए । ग्राहकहरुले पसलमा समान खरिद गर्न जाँदा अनिवार्य रुपमा पान नम्बर वा भ्याट बिल लिने परिपाटी बसाएमा राजश्वमा अझ वृद्धि हुन सक्ने उनले बताए ।
यो खबर पढेर तपाईलाई कस्तो महसुस भयो ?
प्रतिक्रिया