काठमाडौं । बलिउड अभिनेत्री आलिया भट्ट र रणवीर कपुर आजकल आफ्नो व्यावसायिक जीवनका साथै व्यक्तिगत जीवनका कारण पनि चर्चामा छन् ।
रणवीर कपुर र आलिया भट्ट बी टाउनमा सबैभन्दा चर्चित जोडी मध्ये एक हुन् । विवाहको समयमा हेडलाइन बनेपछि आलियाले आफ्नो गर्भावस्थाको खबर दिएर सबैलाई चकित पारिन् । यो खबरले जोडीका फ्यानहरु निकै खुसी भएका छन् ।
आलियाले रणवीरसँगको अस्पतालको तस्बिर सेयर गरेकी छिन्, जसमा उनीहरु दुबै जना टिभी स्क्रिनमा बच्चालाई हेरिरहेका छन् । यो खबरपछि सामाजिक सञ्जालमा रणवीर र आलियाको बाल्यकालको तस्बिर भाइरल भइरहेको छ ।
बिहेको दुई महिनापछि आफ्ना फ्यानलाई बच्चा जन्मेको खुसीको खबर दिने आलिया यतिबेला निकै चर्चामा छिन् । नायिका चाँडै आमा बन्न लागेकी छिन् र यो खबर सुनेपछि उनका फ्यानमा खुशीको लहर छाएको छ ।
आलियाका फ्यानहरूले उनको बाल्यकालका तस्बिरहरू सामाजिक सञ्जालमा सेयर गरिरहेका छन्, जसमा उनी आफैँ बच्चाको रूपमा देखिएका छन् । यी तस्बिरहरू सेयर गरेर मानिसहरूले चाँडै नै आलियाको काखमा खेलिरहेको यस्तो प्यारो बच्चा देख्ने अनुमान गरिरहेका छन्। अभिनेत्रीको एउटा फ्यान पेजले उनको केही तस्बिर सेयर गर्दै लेखेको छ, ‘छिट्टै हामी एउटा बच्चा वा बच्ची देख्नेछौं।’ आलियाका यी तस्बिरमा उनका फ्यानहरुले लगातार कमेन्ट गरिरहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया