काठमाडौं । नयाँ नेपाल लघुवित्तको २५० प्रतिशत हकप्रदमा आवेदन दिने आज (आइतबा) अन्तिम दिन रहेको छ । लघुवित्तले प्रतिकित्ता एक सय रुपैयाँ अंकित दरले ६ लाख कित्ता हकप्रद शेयर बिक्री खुला गरेको हो ।
कम्पनीको एक सय कित्ता शेयर हुनेले दुई सय ५० कित्ता शेयरका लागि आवेदन दिन पाउनेछन् ।
गत साउन २७ गतेदेखि कम्पनिले २५० प्रतिशत हकप्रदक शेयरको बिक्री खुला गरेको थियो ।
लघुवित्तले हकप्रद प्रयोजनका लागि गत साउन ७ गते सोमबार शेयर धनी दर्ता किताब बन्द गरेको थियो । जस अनुसार साउन ६ गते आइतबारसम्म कायम कम्पनीका शेयरधनीले मात्र हकप्रद शेयरमा आवेदन गर्न पाउनेछन् ।
लघुवित्तको सेयर निष्काशन तथा बिक्री प्रबन्धक एनएमबि क्यापिटल रहेको छ ।
हकप्रदमा धितोपत्र बोर्डबाट अनुमति प्राप्त सबै आश्वा सेवामा सहभागी बैंक तथा वित्तीय संस्था तथा मेरो सेयरबाट हकप्रद भर्न मिल्नेछ ।
त्यसैगरि बिक्री प्रबन्धक एनएमबि क्यापिटल नागपोखरी तथा एनएमबि बैंकका तोकिएको शाखा कार्यालयबाट समेत आवेदन दिन सक्ने छन् ।
हाल लघुवित्तको चुक्ता पूँजी २ करोड ४० लाख रुपैयाँ रहेको छ भने हकप्रद सेयर बिक्री गरे पश्चात लघुवित्तको चुक्ता पूँजी ८ करोड ४० लाख रुपैयाँ पुग्नेछ ।
यो खबर पढेर तपाईलाई कस्तो महसुस भयो ?
प्रतिक्रिया