काठमाडौं । रौतहटको चन्द्रनिगाहपुरमा दिदीबहिनीमाथि एसिड प्रहार गरेको आरोपमा पक्राउ परेका रामबाबु पासवानलाई प्रहरीले मंगलबार सार्वजनिक गरेको छ ।
प्रहरीले आज (मंगलवार) साँझ ५ बजे रौतहटको चन्द्रनिगाहपुर वडा नं. ६ मा पत्रकार सम्मेलन गरी पासवानलाई सार्वजनिक गरेको हो ।
घर नजिकैका ठूलोबुबा पर्ने पासवानले दास दिदीबहिनीलाई एसिड प्रहार गरेको प्रहरीको प्रारम्भिक अनुसन्धानबाट खुलेको रौतहत जिल्लाका प्रहरी उपरीक्षक (एसपी) केदार धितालले बताए ।
पीडितका बाबु जदोलाल दासले दिएको जाहेरी, पीडितको बयान र कल डिटेलका आधारमा पासवानलाई प्रहरीले पक्राउ गरेको हो ।
भदौ २६ गते मध्यरातमा आफ्नै घरमा सुतिरहेको अवस्थामा पासवानले दास दिदीबहिनीलाई एसिड प्रहार गरेका थिए ।
यो खबर पढेर तपाईलाई कस्तो महसुस भयो ?
प्रतिक्रिया