जनकपुर । एक मधेश एक प्रदेशको मागसहित संविधान दिवसको विरोध गर्दै आएका सिके राउतका सय कार्यकर्तालाई प्रहरीले पक्राउ गरेको छ ।
बुधबार संविधान दिवसको अवसर पारेर प्रदर्शमा उत्रिएका राउतका कार्यकर्तालाई प्रहरीले नियन्त्रणमा लिएको हो ।
राउतका कार्यकर्ताले ‘हिडौं जनकपुर भरौं जनकपुर’ नारा गर्दै प्रदर्शनमा उत्रिएका थिए ।
प्रहरीले प्रदर्शनमा हस्तक्षेप गरेपछि राउतका कार्यकर्ताले जनकपुरमा बुधवार बिहान गर्ने भनेको विरोध कार्यक्रम भने स्थगित भएको छ ।
विरोध कार्यक्रम स्थगित भएपछि राउतका कार्यकर्ताले भने बुधवार जनकपुरमा प्रदर्शन गरे ।
विरोध जुलुससहित कार्यकर्ता जनकपुरको बाह्रबिघा मैदानमा उपस्थित भएका थिए । विरोध कार्यक्रममा राउत स्वयम् उपस्थित हुने बताइएको थियो । तर, अहिलेसम्म उनी उपस्थित भएका छैनन् ।
प्रदेश २ का प्रहरी डीआइजी दिनेश अमात्यले संविधान विरोधी समूहलाई पक्राउ गरेको जानकारी दिएका हुन् ।
यो खबर पढेर तपाईलाई कस्तो महसुस भयो ?
प्रतिक्रिया