पाँचौ बंगबन्धु गोल्डकपको ट्रफी सार्वजनिक

एजेन्सी । यहि अक्टोबर १ तारिखदेखि बंगलादेशमा शुरु हुने पाँचौ बंगबन्धु गोल्डकप फुटबलको ट्रफी सार्वजनिक भएको छ । 

आयोजक बंगलादेश फुटबल फेडेरेसनले शनिवार एक कार्यक्रमकाबीच पाँचौ संस्करणको बंगबन्धु गोल्डकपको ट्रफी  सार्वजनिक गरेको हो । 

अघिल्लो संस्करणको ट्रफी भन्दा यस संस्करणको ट्रफीमा केही फरक डिजाइनमा तयार पारिएको छ। यसअघि चौँथो संस्करणको उपाधि नेपालल जितेको थियो । त्यतिबेला नेपालले बहराइनको यू-२३ टोलीलाई ३-० ले हराउँदै उपाधि हात पारेको थियो । 

यो प्रतियोगितामा समूह ‘ए’मा नेपाल, ताजिकिस्तान र प्यालेस्टाइन रहेका छन् । नेपालले अक्टोबर २ तारिखमा ताजिकिस्तानसँग पहिलो खेल खेल्नेछ ।

६ राष्ट्र सहभागी रहनेको प्रतियोगिताको समूह ‘बी’मा आयोजक बंगलादेश, लाओस र फिलिपिन्स छन्।