तेल अभाव हटाउन अाज पनि निगमले थानकोट डिपो खोल्दै

काठमाडाैं : नेपाल अायल निगमले बजारमा पेट्रोलियम पदार्थको अभाव हटाउन अाज सोमबार पनि थानकोट डीपो खोल्ने भएको छ ।

अाज र्इन्द्रजात्रा परेकाले सार्वजनिक बिदा भएपनि तेलको अापूर्तिलार्इ सहज बनाउन डिपो खोल्न लागिएको निगमका डिपो प्रमुख भरत रेग्मीले जानकारी दिए । 

निगमले सोमबार मागेजति तेल दिने दाबी गरेको छ । पर्याप्त मात्रामा बजारमा तेल पठाउने र पेट्रोलपम्पमा अार्इतबार बेलुकीसम्म देखिएको सवारीसाधनको लार्इन सोमबारदेखि नहुने निगमले जनाएको छ । 

गत हप्ता पेट्रोलियम ढुवानीमा संलग्न व्यवसायी र चालकले हड्ताल गर्दा देशभर तेलको अभाव भएको थियो । त्यसको असर अार्इतबार बेलुकीसम्म पनि देखिएको छ ।