१. राष्ट्रपति विद्यादेवी भण्डारीले नागरिकता विद्येयक प्रतिनिधि सभामा फिर्ता गरेसँगै राजनीतिक वृत्तमा हलचल, मंगलबार बस्ने प्रतिनिधि सभा बैठकमा राष्ट्रपतिले नागरिकता विद्येयकमा पठाएको संदेशबारे जानकारी गराइने ।
२. मंसिर ४ गते हुने प्रदेश तथा प्रतिनिधि सभा निर्वाचनमा गठबन्धनका उम्मेदवारलाई जिताउने गरी लाग्न प्रधानमन्त्री शेरबहादुर देउवाको निर्देशन, गठबन्धनकै बलमा स्थानीय निर्वाचनमा कांग्रेसले राम्रो नतिजा हात पारेको दाबी ।
३ नेकपा माओवादी केन्द्रले निर्वाचन आयोगमा गरायो दल दर्ता, माओवादी केन्द्र र समाजवादी पार्टीले एउटै चुनाव चिन्ह प्रयोग गर्नेबारे छुट्टै निर्णय हुने ।
४. देशको स्थायित्व र विकासका निम्ति सम्पूर्ण तागत लगाउन आवश्यक रहेको नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’को भनाइ, राजनीतिक परिवर्तनका लागि धेरै संघर्ष गरिएकाले अब समृद्धिमा लाग्नुपर्नेमा जोड ।
५. दुई सय ५० जना प्रहरी परिचालन गरेर बन्चरेडाँडामा फालियो फोहोर, फोहोर बोकेको गाडी तोडफोड गरेको आरोपमा सत्तारुढ दलका स्थानीय नेताविरुद्ध प्रहरीमा उजुरी, स्थानीयद्वारा भदौ १ गतेदेखि गर्ने भनिएको आन्दोलन फिर्ता ।
६. नागरिकता विधेयक फिर्ता गर्दैमा आक्रोश व्यक्त गरिहाल्नु नपर्ने नेपाली कांग्रेसका महामन्त्री गगन थापाको भनाइ, विधेयक पुनर्विचार गर्न पठाउने व्यवस्था संविधानमै रहेको प्रतिक्रिया ।
७. श्रममन्त्री शेरबहादुर कुँवर र इजरायलका राजदूत खनान गोदेरबीच भेटवार्ता, दुई देशबीचको श्रम सम्झौताबारे छलफल, इजरायलले थप १ हजार नेपाली कामदार लैजाने ।
८. नौ बुँदे घोषणा पत्र जारी गर्दै सकियो राष्ट्रिय युवा सम्मेलन, युवावर्गले आफ्नो जिम्मेवारी बोध गर्दै उर्जाशिल शक्ति देश निर्माणमा लगाउनुपर्नेमा राष्ट्रिय युवा परिषद्का उपाध्यक्ष सुरेन्द्र बस्नेतको जोड ।
९. आगामी प्रदेशसभा र प्रतिनिधिसभा निर्वाचनको सुरक्षा योजनाबारे प्रारम्भिक छलफल सुरु, गृहमन्त्री बालकृष्ण खाणको अध्यक्षतामा बसेको बैठकमा निर्वाचनको चुनौती र त्यसलाई सामना गर्ने उपायबारे छलफल ।
१०. पछिल्लो २४ घण्टामा ८८८ जनामा कोरोना संक्रमण पुष्टि, ४७४ जना कोरोना संक्रमणमुक्त, ३० दिनमै ३७ जनाको मृत्यु ।
११. लगातार ६ दिनसम्म घटेको सेयर बजारमा सोमबार भने हरियाली, नेप्से परिसूचक ५५.८८ अंकले बढ्यो, २ अर्ब ४३ करोडको सेयर किनबेच ।
१२. भारतले मनायो ७६ औँ राष्ट्रिय स्वतन्त्रता दिवस, नेपालस्थित भारतीय राजदूतावासले पनि विभिन्न कार्यक्रमको आयोजना गरी मनायो ।
१३. राष्ट्रपतिलाई भेट्न अमेरिकी सांसदहरूको प्रतिनिधिमण्डल ताइवान आएसँगै चीनले फेरि सुरु गर्यो ताइवान वरपर सैन्य अभ्यास, पाँच सदस्यीय प्रतिनिधिमण्डलले राष्ट्रपति साई इङ वेनसँग भेटघाट गर्ने ।
१४. नेपाली राष्ट्रिय फुटबल टिमको बन्द प्रशिक्षण बिहीबारबाट सुरु हुने, किरण चेम्जोङको कप्तानीमा रहने टोलीमा विमल, अन्जन र अनन्त लगायतका अनुभवी खेलाडीको पुनरागमन ।
१५ . स्पेनिस लालिगा अन्तर्गतको फुटबल खेलमा आज गेटाफे र एथलेटिको मड्रिड भिड्दै, घरेलु मैदानको फाइदा उठाउँदै नतिजा आफ्नो पक्षमा पार्ने दाउमा गेटाफे ।
यो खबर पढेर तपाईलाई कस्तो महसुस भयो ?
प्रतिक्रिया