हेमराजको रोमान्टिक फिल्ममा प्रदीप फाइनल

काठमाडौं । अभिनेता प्रदीप खड्काले हेमराज बिसीले निर्देशन गर्ने नयाँ फिल्ममा अभिनय गर्ने भएका छन् । केही दिनअघि मात्र प्रदीप खड्कालाई लिएर रोमान्टिक कमेडी फिल्म निर्माण गर्न लागिएको निर्देशक बिसीले बताए ।

यद्यपि फिल्मको नाम भने अझै खुलाइएको छैन । बिसीले फिल्म ‘ब्रेकअप’ निर्माण टिमसँग प्रदीपलाई लिएर नयाँ फिल्म घोषणा गर्न लागिएको बताइएको छ । फिल्मका अन्य कलाकार भने अझै तय भएका छैनन् ।

फिल्मको स्किृप्टमै काम भइरहेको यो सिनेमालाई युरोपका विभिन्न स्थानमा छायांकन गरिने निर्माण टिमले जनाएको छ ।