काठमाडाैं : बससेवा डटकमले दशैंका लागि विभिन्न गन्तव्यमा जाने यात्रुहरूका लागि अनलार्इनबाट अग्रिम टिकट बुकिङ शुरू गरेको छ ।
घरमै बसीबसी बससेवा डटकमबाट टिकट लिने व्यवस्था गरिएको यो संस्थाले जानकारी दिएको छ । यात्रुहरूले ब्राउजर र बससेवा डटकमको एपबाट नेपालका अधिकांश रूटमा जाने सवारीसाधनको टिकट काट्न सक्नेछन् ।
बससेवा डटकमका प्रमुख कार्यकारी अधिकृत पीअार खनालले यातायात व्यवसायीसँगको सहमतिपश्चात अनलार्इन टिकट बुकिङ शुरू गरिएको बताए ।
खाली सिट हेरेर यात्रुहरूले टिकट बुकिङ गर्न सक्ने र टिकट खरिदका लागि इसेवाका, इप्रभु, इनेट पेमेन्ट लगायतका अनलार्इन पेमेन्ट गेटवेबाट रकम भुक्तानी गर्न सकिने उनले जानकारी दिए ।
यो खबर पढेर तपाईलाई कस्तो महसुस भयो ?
प्रतिक्रिया