काठमाडौं । पद्माकुमारी फिल्मसको ब्यानरमा निर्माण भएको चलचित्र ‘नालापानी’ को टिजर सार्वजनिक गरिएको छ । काठमाडौंमा एक कार्यक्रमको आयोजना गरी टिजर सार्वजनिक गरियो ।
ऐतिहासिक कथामा निर्माण भएको सिनेमा ‘नालापानी’ को कथामा वीर नेपालीको कथा समावेश गरिएको छ । टिजर आकर्षक र लोभलाग्दो लाग्छ । ब्रिटिशसँग लडिरहेको नेपालीको कथा टिजरमा देख्न सकिन्छ ।
रिमेश अधिकारीले निर्देशन गरेको यो फिल्ममा अर्जुन जंग शाही, सन्तोष पन्त, देशभक्त खनाल, पूजना प्रधान, मनोज शाक्य, जनक सिटौा, सुशील खड्का लगायतका कलाकारले अभिनय गरेका छन् ।
चलचित्रको स्किृप्ट निर्देशक अधिकारी र कृष्ण आचार्यले लेखेका हुन् । यस्तै फिल्ममा रामशरण उप्रेतीको छायांकन छ । मनोज राजबाहकले डबिङ गरेको यो फिल्ममा विपिन मल्लको सम्पादन छ भने बसन्त घर्ती मगर र अच्युत गजुरेलले भीएफएक्स गरेका हुन् ।
चलचित्रलाई मनोज शाक्यले निर्माण गरेका हुन् । फिल्मले रिलिज मिति भने अझै सार्वजनिक गरिएको छैन ।
यो खबर पढेर तपाईलाई कस्तो महसुस भयो ?
प्रतिक्रिया