‘बकम्फुसे राजा’ मा दयाहाङ र वर्षाको रोमान्स

काठमाडौं । चलचित्र ‘बकम्फुसे राजा’ मा दयाहाङ राईले अभिनय गर्ने भएका छन् । रंग पत्रकारिता हुँदै निर्देशनमा होमिएका प्रकाश सुवेदीले यो फिल्मको निर्देशन गर्नेछन् ।

दयाहाङले यो फिल्मका लागि महंगो पारिश्रमिक लिएर अनुबन्ध भएको स्रोतले जनाएको छ । 

फिल्मको उक्त भूमिकामा पहिले खगेन्द्र लामिछानेसँग पनि अनौपचारिक कुरा भएको जानकारीमा आएको छ । तर खगेन्द्रले उक्त भूमिकामा काम गर्न नसक्ने भन्दै फिल्मबाट हात झिकेका थिए भने उक्त भूमिकामा दयाहाङ राईले अभिनय गर्ने पक्का भएको हो । तर यो कुराको औपचारिक जानकारी भने आएको छैन ।

पछिल्लो समय दयाहाङ राई पनि छानेर राम्रा फिल्म मात्र खेल्ने भनेर कुनै पनि फिल्ममा देखिएका छैनन् । केही वर्षयता उनले अभिनय गरेका फिल्म एकपछि अर्को गर्दै फ्लप भएका थिए ।