काठमाडौं । शहिद स्मारक ‘ए’ डिभिजन लिग फुटबल अन्तर्गत आइतवार सरस्वती क्लबले संकटा क्लबको सामना गर्दैछ ।
यी दुई क्लबबीचको खेल सातदोबाटोस्थित एन्फा कम्प्लेक्सको मैदानमा हुनेछ । संकटा र सरस्वती क्लब दुवैले यस सिजन मध्ये तालिकामा रहने लक्ष्यका साथ मैदानमा उत्रने बताइएको छ । सरस्वती क्लबमा अधिकांश स्थानीय र केहि विदेशी खेलाडीहरुलाई अनुबन्ध गरेका छन् भने संकटामा युवा र अनुभवी खेलाडीहरु छन् ।
यस अघि शनिबार भएको लिगको पहिलो खेलमा विभागित टिम त्रिभुवन आर्मी र न्युरोड टिम ‘एनआरटी’बीचको खेल २-२ गोलको बराबरीमा सकिएको थियो । भोली ‘सोमवार’देखि बंगलादेशमा आयोजना हुने बंगबन्धु गोल्डकप फुटबल खेल्ने भएका कारण ‘ए’ डिभिजन लिग आइतवारको खेल पछि स्थगित हुने एन्फाले जानकारी दिएको छ ।
यो खबर पढेर तपाईलाई कस्तो महसुस भयो ?
प्रतिक्रिया