काडमाडौं । शहिद स्मारक ‘ए’ डिभिजन लिग फुटबल अन्तर्गत संकटा क्लबले विजयी शुरुवात गरेको छ ।
सातदोबाटोस्थित एन्फा कम्प्लेक्सको मैदानमा आइतवार भएको दोस्रो खेलमा संकटा क्लबले सरस्वती युथ क्लबलाई १-० गोल अन्तरले पराजित गर्दै प्रतियोगितामा शुखद शुरुवात गरेको हो ।
निकै प्रतिस्पर्धात्मक र रोमाञ्चक बनेको खेलको पहिलो हाफसम्म दुवै क्लब गोल रहित बराबरीमा रोकिएका थिए । खेलको इन्ज्युरी समयमा लक्ष्मण रुचालले गरेको एक मात्र गोल नै निर्णायक बनेको थियो । जितपछि संकटा क्लबले महत्वपूर्ण ३ अंक जोडेको छ ।
पाँच वर्ष पछि पहिलो पटक पुनः सञ्चालन भएको ‘ए’ डिभिजन लिग फुटबल आइतवारको खेलसँगै स्थगित भएको छ । बंगलादेशमा आयोजना हुने पाँचौ बंगबन्धु गोल्डकप फुटबलमा नेपाली टिमको सहभागिता जनाएसँगै लिग स्थगित भएको हो ।
यस अघि शनिवार भएको विभागिय क्लब त्रिभुवन आर्मी र न्युरोड टिम ‘एनआरटी’बीचको खेल २-२ गोलको बराबरीमा सकिएको थियो ।
यो खबर पढेर तपाईलाई कस्तो महसुस भयो ?
प्रतिक्रिया