काठमाडौं । न्यु डाइमण्डले काठमाडौंमा जारी आदीअवादी महिला लिग भलिवलमा विजयी सुरुवात गरेको छ ।
राष्ट्रिय खेलकुद परिषद्को कबर्ड हलमा आईतबार भएको समुह चरणको खेलमा न्यु डायमण्डले विभागित टिम त्रिभुवन आर्मीलाई संघर्षपुर्ण ३–२ को सेटमा पराजित ग¥यो ।
पहिलो सेट न्युडायमण्डले २५–१५ ले जितेपनि आर्मीले दोस्रो सेट २५–२२ र तेस्रो २५–१८ ले जित्दै खेल आफ्नो पक्षमा पारेको थियो । तर चौथो सेट २५–२२ ले जितेर खेलमा उत्कृष्ट पुनरागमन गरेको न्यु डायमण्डले अन्तिम सेट १५–११ ले आफ्नो पक्षमा पार्यो ।
प्रतियोगिताको पहिलो खेलमा चितवन टाईगर्सले आर्मीलाई ३–० को सेटमा पराजित गरेको थियो । समुह ‘ए’ मा रहेको चितवन र न्यु डायमण्डले समान ३-३ अंक बनाएको छ भने आर्मी दुवै खेलमा पराजित हुदै अंक विहिन छ ।
सर्वाधिक पुरस्कार राशी रहेको यो प्रतियोगिताको विजेताले नगद ६ लाख रुपैयाँ जित्नेछन् । त्यस्तै उपबिजेताले ३ लाख र तेश्रो हुनेले १ लाख ५० हजार हात पार्नेछन् ।
यो खबर पढेर तपाईलाई कस्तो महसुस भयो ?
प्रतिक्रिया