काठमाडौं । नेपाल मर्चेन्ट बैंकर्स संघको संयोजकत्वमा स्वच्छ जीवनशैलीको लागि सँगसँगै भन्ने नारासहित पहिलो पटक ‘एमबान स्पोर्टस् मिट २०२२’ आयोजना हुने भएको छ ।
संघका अनुसार यसअन्तर्गत विभिन्न खेलकुद प्रतियोगिताहरु आयोजना गरिने छ । उक्त प्रतियोगितामा नेपाल मर्चेन्ट बैंकर्स संघका सदस्य संस्थाहरु साथै नियमक निकाय तथा अन्य सरोकारवाला निकायहरु समेत सहभागि हुनेछन् ।
उक्त प्रतियोगितामा फुटसल, टेबल टेनिस र ब्याटमिण्टनलाई विभिन्न विधामा समावेश गरिएको छ । उक्त प्रतियोगितामा पुरुष तथा महिला बिधामा टेबल टेनिस र ब्याटमिण्टनका प्रतिस्पर्धाहरु हुनेछ भने, पुरुष विधामा फुटसल प्रतिस्पर्धा समेत हुनेछ । सम्पूर्ण प्रतियोगिताहरु राष्ट्रिय तथा अन्तराष्ट्रिय नियमहरुको अधिनमा रहि संचालन हुनेछन् ।
सो कार्यक्रमको उद्घाटनसहित टेबल टेनिस र ब्याटमिण्टनका प्रतिस्पर्धाहरु यहि भाद्र १७ र १८ गतेका दिन भत्केको पुल अवस्थित धनवन्तरी फुटसलमा हुनेछन् । फुटसलका प्रतिस्पर्धाहरु प्रतियोगिता समापनसहित यही भाद्र २४ र २५ गतेका दिन चन्डौलस्थित ढुकु फुटसल हवमा आयोजना हुनेछन् ।
यो खबर पढेर तपाईलाई कस्तो महसुस भयो ?
प्रतिक्रिया