काठमाडौं । छैटौं संस्करणको महिला साफ च्याम्पियनसिप फुटबल प्रतियोगिताको उद्घाटन खेलमा नेपालले भुटानविरुद्ध अग्रता बनाएको छ ।
त्रिपुरेश्वरस्थित दशरथ रंगशालामा जारी खेलमा नेपालका लागि साम्बाले गाेल गर्दै अग्रता दिलाएकी हुन् ।
साफमा नेपाल र भुटानको हेड टु हेड
२०१४ मा पाकिस्तानको इस्लामावादमा भएको साफको तेस्रो संस्करणमा नेपालको भुटानसँग भेट भएको थियो । नेपालले समूह चरणमा भुटानलाई ८–० को फराकिलो गोल अन्तरले गरेको थियो ।
त्यस्तै, भारतको सिलिगुढीमा भएको चौथो संस्करणमा पनि नेपाल र भुटनको भेट भएको थियो । समूह चरणको खेलमा नेपालले भुटानलाई ८-० को गोल अन्तरले नै पराजित गरेको थियो ।
त्यसपछि पाँचौ संस्करणमा नेपालको घरेलु मैदानमा साफ आयोजना भएको थियो । विराटनगरमा आयोजित उक्त संस्करणमा नेपालले समूह चरणका खेलमा भुटानलाई ३–० गोल अन्तरले हराएको थियो ।
यो खबर पढेर तपाईलाई कस्तो महसुस भयो ?
प्रतिक्रिया