राजेश हमालले सञ्चालन गर्ने ‘को बन्छ करोडपति’ लाई अमिताभले दिए शुभकामना

काठमाडौं । ‘हु वान्टस् टु बी मिलिनिअर्स’ को हिन्दी संस्करण ‘कौन बनेगा करोडपति’ नेपालमा पनि चर्चामा छ । अब नेपाली दर्शकले सोही रियालिटी शोको फ्रेन्चचाइज हेर्न धेरै समय कुर्न नपर्ने भएको छ ।

यसअघि नेपालमा रियालिटी शोका रुपमा नेपाल आइडल, बुगीउगी, रोडिज, द भ्वासका संस्करण भित्रिइसकेका छन् । यी ‘शो’हरुले दर्शकबाट राम्रो प्रतिक्रिया पनि पाएका छन् ।

‘को बन्छ करोडपति’ मा अभिनेता राजेश हमाल होस्टका रुपमा देखिनेछन् । शोको तयारी भइरहेको छ । एपीवान टेलिभिजनबाट प्रसारण हुने यो रियालिटी शो अर्को महिनाबाट प्रसारणमा आउनेछ ।

‘हु वान्टस् टु बी मिलिनिअर्स’ को फ्रेन्चाइज १ सय ६१ वटा देशमा भइसकेको छ । फ्रेन्चाइज भएपनि यसलाई नेपाली स्वाद हुने आयोजकले जनाएको छ ।